Секој сопственик на профил на некоја од социјалните мрежи имал искуство со поставување на некаква слика или графика на истата. Социјалните мрежи, особено Facebook ни дозволуваат безмалку секаква големина и размер на нашата слика. Се што треба да направиме е да прикачиме нешто што нам ни се допаѓа, а вградениот editor во социјалната мрежа ќе се погрижи за останатиот дел. Ова допринесе да Facebook биде преплавен од пикселизирани слики, развлечени портрети, screenshots од Facebook и Instagram story. Освен што сето ова изгледа непривлечно, понекогаш е и нечитливо и нејасно. Секој од нас има сретнато флаер кој едноставно не може да биде прочитан и каталог со цени кои само можеме да ги нагодуваме. Ова е водич за оптимална големина на слики за Facebook, Instagram и Twitter. Секоја од социјалните мрежи има пропишани правила за големина и размер на слика за која и да е намена (реклама, настан, покана, профилна и сл). Иако можеме да избегаме од овие правила, следењето на истите ни овозможува поповолен третман од алгоритмите на социјалните мрежи. Квалитетни слики кои ги следат зададените параметри на дадена социјална мрежа имаат тенденција да бидат прикажани во news feed на повеќе корисници.